124               TESTAMENTS ENREGISTRÉS AU PARLEMENT DE PARIS            (364)
jour de son service en la dicte eglise des Celestins, à l'ordonnance et discrecion de ses executeurs ci dessoubz nommez.
Item, le dit testateur voult et ordonna expressement toutes ses debtes loyaument cogneues estre paiées, et ses torsfaiz dont il apperra estre amendez par ses executeurs cy dessoubz nommez.
Item, quant aux cheveciers, curez, chanoines et clers de Saint Merry à Paris, dont le dit testateur est parroissien, icellui testateur voult et ordonna leur estre fait, paié et ordonné à la discrecion et ordenance de ses diz executeurs.
Item, le dit testateur donna et laissa à sa chappelle, par lui fondée à Coiffy, son missal, un calice doré qu'il a, avecques l'autre qui est à la dicte chappelle, et une paix esmaillée et deux bouirettes d'argent, les­quelles choses seront baillées en garde à messire Guillaume de Coiffy, prébendé à Lengres, ou à Gaultier Erart, pour les mettre avecques les autres choses, joyaux, reliques et aornemens de la dicte chappelle à Coiffy, quant l'en les y pourra tenir seurement; à laquelle chappelle aussi le dit testateur donna et laissa tous ses vestemens et aornemens d'église, tant bons comme mauvais, et par especial uns vestemens où il a une chasuble de cramoisy comme de velluyau vermeil, avecques une pierre de mabre, touailles, tableaux et autres choses appartenans à chappelle.
Item, le dit testateur donna et ordonna, pour estre mis et enchaenné en sa dicte chappelle à Coiffy, un tres beau bréviaire, qui est en deux volumes, noté, pour dire au chappellain ses heures.
Item, il laissa et ordonna un psaultier glosé et tous ses autres livres d'église, bréviaires et autres à pluseurs usages, pour estre mis et enchaennez en la dicte chappelle à Coiffi.
Item, le dit testateur voult et ordonna que, son service fait en la dicte eglise des Celestins à Paris, tantost après son trespassement mille messes basses de Requiem soient dictes pour le salut et remede de son ame, desquelles messes cent soient dictes aux Celestins de Paris, étaux Celestins de Mante, pour ce que ceulx de Paris sont trop chargiez, pour lesquelles cent messes ilz auront cinquante escus, et de toutes les